QUANDO A STAE A SE NE VA
A stae se ne và
e comme angiëti, tante nivue gianche
se fan d’attorno
e versan lagrimette sorvia e cose
stanche ma cäde ancon de ûn po de sô.
L’autûnno o vegne avanti:
grixo pè’ asmortâ i colori
o se fa intanto
sponciâ da o vento e accompagnâ da o tron
e o pà che o vêugge cianze
in sce-a bella stagion ch’a se ne va.
A quello cianze, però, nisciûn ghe credde;
nisciûn se cûa de pòrzighe conforto.
Da tempo ormai se sa che darrê-a-o morto
e lagrime son quaexi sempre fäse.
Giancarlo Bolla
